ಜೈಮಿನಿ ಭಾರತ - ಹುಣ್ಣಿಮೆಯ ವರ್ಣನೆ

ಪ್ರಾಚೀನಿತ೦ಬಿನಿಯ ಮುಖಬಿ೦ಬದೆಳನಗೆಯ
ರೋಚಿಗಳೋ ಪೆರ್ಚಿಗೆಯೊಳು ಉಚ್ಚೆದ್ದ ಪಾಲ್ಗಡಲ
ವೀಚಿಗಳೋ ಮನ್ಮಥನ ಕೀರ್ತಿಯ ಮರೀಚಿಗಳೋ ನಿಜಕಾ೦ತನ೦ ಕಾಣುತ
ನಾಚಿಬೆಳ್ವೇರಿದಳೋ ರಾತ್ರಿ ವಧು ಚೆಲ್ಲಿದನೋ
ಭೂ ಚಕ್ರಕ೦ಗಜ೦ ಬೇಳುವೆಯ ಬೂದಿಯ೦
ವಾಚಿಸುವೊಡರಿದೆನಲ್ ಪಸರಿಸಿತು ಚ೦ದ್ರಕಿರಣ೦ಗಳೆಲ್ಲಾ ದೆಸೆಯೊಳು.


ಪ್ರಾಚೀ - ಪೂರ್ವ; ನಿತ೦ಬಿನಿ - ಸು೦ದರವಾದ ನಿತ೦ಬವುಳ್ಳವಳು, ಚೆಲುವೆ. (ನಿತ೦ಬ - ಸೊ೦ಟದ ಹಿ೦ದಿನ ಕೆಳಭಾಗ);
ರೋಚಿ - ೧ ಬೆಳಕು, ಕಾಂತಿ ೨ ಕಿರಣ, ರಶ್ಮಿ, ; ಪೆರ್ಚಿಗೆ - ಹೆಚ್ಚಿಗೆ, ಅತಿಶಯ; ಪಾಲ್ಗಡಲ - ಕ್ಷೀರಸಾಗರ;
ವೀಚಿ - ಸಣ್ಣ ಅಲೆ, ತರಂಗ; ಮರೀಚಿ - ೧ ಕಿರಣ, ರಶ್ಮಿ ೨ ಬೆಳಕು, ಕಾಂತಿ; ನಿಜಕಾ೦ತನ೦ - ನಿಜ - ಸ್ವ೦ತ, ಕಾ೦ತ - ಪ್ರಿಯಕರ; ಬೆಳ್ವೇರಿದಳೋ - ಹೊಳೆದಳೋ; ಬೇಳುವೆ = ಬೇಳ್ವೆ - ಮರುಳು, ಮಾಯೆ; ಒಡರು - ರಚಿಸು; ಪಸರಿಸಿತು - ಹರಡಿತು; ದೆಸೆ - ದಿಕ್ಕು